Mizo Idol star Omomi Khiangte kum tam tak hnuah music video thar nen a lo let

Mizo Idol aṭanga Zoram mipuiten kan hmelhriat, Omomi Khiangte chuan hun rei tak chhung zirna leh hna ṭul dangte avanga rimawi khawvel a chawlhsan lailawk hnuin music video thar nen a lo let leh ta.

Omomi hla thar hi 'Ka hre reng ang' tih hla niin, a lettu hi Vena Pachuau a ni. Recording hi EME records ah tih niin, music video hi John the Protagonist in a shoot sak bawk.

He hlaah hian zaithiam kan lo hmelhriat tawh Sangteii Khawlhring leh Lalremruata Fanai te'n a hla mawina belhchhan turin backing vocals mawi tak hmangin an rawn pui.

Omomi hla thar hi MDM Library-ah dah a ni tawh a, YouTube ah zanin dar 8 aṭangin MDM official channel ah thlir theihin chhawpchhuah a ni dawn bawk ang.