Aquaman 2-ah Amber Heard chang leh dawn

Amber Heard chu "Aquaman and the Lost Kingdom" ah kan hmu dawn tih a chiang ta!

Heard hi nikum khan a pasal hlui Johnny Depp nen defamation case chungchangah thiam lo zawkah a ṭan avangin entertainment huanga a dinhmun hi a derthawng hman hle. Depp-a fans-te chuan Aquaman chhunzawmnaah pawh hian chang tawh lo turin an duh hle a, petition thehlutin mi maktaduai 4.6 chuangin an hming an ziahhnan a ni. Mahse Warner Bros chuan Heard hi role pawimawh chang turin an la ringtawk tih an rawn tilang.

Court-a thiam loh a chan aṭangin kum 37 mi lemchanthiam hi vantlang hmuhah a inlan khat hle a, finfiahna tam tak nen court hmaah thiam a chang zo lo chu pawi a tih thu leh, a pasal hlui thitihtheihna vanga chak loah a inngaih thu sawiin, he thutlukna hian hmeichhe dang chunga a nghawng thui tur zia a ngaihtuahin a hnual hle tih Heard chuan a sawi.

Heard channa "Aquaman and the Lost Kingdom"-ah hian Jason Momoa chuan Arthur Curry a.k.a. Aquaman lem a rawn chang leh dawn a, Willem Dafoe, Patrick Wilson, Dolph Lundgren, Yahya Abdul-Mateen II, Temuera Morrison leh Nicole Kidman-te hmel pawh kan hmu leh dawn a ni.