American Idol producer te'n Katy Perry ban an rilruk hman

Zaia intihsiakna show lar ber pawl leh zaithiam ṭha tak tak lo chawrchhuah tawhna, American Idol-a an producer-te chuan show-a endiktu Katy Perry chu contestant-te chunga a chetdan leh ṭawngkam ngaihthlak nuam lo tak tak a hman fo avangin ban mai an rilruk tih an sawi.

Tunhnai chho aṭangin Katy hian sawisel a tawk nasa hle a, ṭhenkhat chuan judge ni tlak lo tihte'n an sawi hial. "Katy hian tunhma pawhin sawizui a lo hlawh viau ṭhin a, tunah pawh hian singing duo a tihmualpho leh tak avangin a lakah hian an thimrim hle a ni. Ram pum huap mipui hmaa zai tur chu enlawkna ṭha tak nei turin a chah a, an zai danah a lawm lo hle a ni," tiin Radar Online chuan a tarlang.

Kum 38 mi "Roar" hitmaker hian show entute beng a tikham ṭan tih hria in, producer-te chuan Katy khawsak danah an lawm vak bik loh avangin entute tih lungawinan ban mai an tum thu an sawi a, zaithiam lar chungah engtin nge hma an lak zel dawn hriat a chakawm tawh hle.