Aryan Khan-a'n luxury streetwear brand D'Yavol tlangzarh; Brand Ambassador-ah a pa Shah Rukh Khan hmang

Khan chhungkua chuan sumdawnna lamah an huang rawn zauh zelin, Shah Rukh Khan-a fapa Aryan Khan chuan luxury streetwear brand thar 'D'Yavol' a hawng a, SRK chu brand ambassador a ni nghal.

Bollywood chanchina a hming dai tawh lo tur, lemchanthiam hmingthang Shah Rukh Khan a pa a nih a, designing lama themthiam tak Gauri Khan chu a nu a nih bawk chuan talent nei ṭha tak fa an neih ngei a rinawm a, chu rinna chu a takin a thleng chho mek zel.

Khan hian a web series hmasa ber a buaipui mek a, he series hi a produce bakah a direct nghal a ni. A chhang chiah, Suhana Khan pawh lemchan khawvelah a hmel kan hmu thuai dawn a, Netflix original film ‘The Archies’-ah Amitabh Bachchan-a tupa Agastya Nanda-te nen an inlan ang.

Hmanni lawk khan SRK fanu Suhana hi makeup brand langsar Maybelline New York chuan an brand ambassador atan an lo thlang tawh bawk a, SRK fate hming hi kan la lam chho mawlh mawlh a ni pawhin a mak lo ang .