Gong Seung Yeon leh Yoo Joon Sang zawm tur Kim Jae Young

Kim Jae Young chuan Gong Seung Yeon leh Yoo Joon Sang te chu zawmin drama tharah an pathum hian kan hmu dawn!

Japanese novel lar tak “I Will Travel For You” behchhana siamah hian Kang Yeo Reum (Gong Seung Yeon) chuan a nuna thil la thleng ngai reng reng lo tawngin, vawi leh khatah mi mit fukna a rawn ni chho a, chuta ṭanga hlawhtlinna a chhar dan chanchin leh nun awmzia thuk zawk a chharchhuah dante tarlan a ni ang.

A hmain, Gong Seung Yeon chu a changtunu, Kang Yeo Reum role la tura tihfel a lo ni tawh a, Yoo Joon Sang chu Kang Yeo Reum agency inziahluhna Ogu Entertainment CEO Oh Sang Sik lemah a rawn chang dawn a ni.

“I Will Travel For You” hi shooting neih chhoh mek a ni tawh a, eng tika pekchhuah tur nge tih lam erawh puanzar a la awm lo thung.