Wonder Woman tharah Ana De Armas?

Gal Gadot chuan Wonder Woman lem a chang tawh dawn lo nia a sawi a nih hnuah, Cuban lemchanthiam Ana de Armas chu he superhero role la chhunzawm tura a hming lamrik mek a ni.

Armas erawhin Gadot hian hna ṭha tak a thawh thu sawiin, Wonder Woman lemah la chang chhunzawm zel se a duhsak thu a sawi.

DC chuan "Wonder Woman 3" chhunzawmna siam a tum tawh lo tih a sawi hnuah, midang kutah hlan a ni zui a, Gal Gadot pawhin Wonder Woman role chang tura an sawmna hi a hnawl zui niin khawthlang media te chuan an tarlang. Hei vang hian Cuban actress hi Wonder Woman hmel thar ni turin mi tam tak chuan an hmehbel leh ṭan der tawh.

Gadot hi kum 2020 khan "Wonder Woman 1984" ah a chang a, beisei angin a hlawhtling lo. Armas hi tunhnai lawk khan "Knives Out" lama a chanpui Chris Evans nen romantic action comedy "Ghosted"-ah chang dunin a hmuhnawm lehpek hle.