East India Fashion week-ah Mizoram aiawhin Escape Engmawia, Zaii Hauchhum leh Kimkimi Ralte

East India Fashion week chu April 28 leh 29 khan Vivanta Taj, Guwahati-ah neih zawh a ni ta a, Mizoram aṭangin ram chhunga kan designer chhuanvawr, Escape Engmoia collection pholan a ni. Mizoram team tan tunlai hmeichhe lengzem singer huhang ngah leh performer ṭha mi, Zaii Hauchhum chuan a hlate leh a chevel hmangin mipui mit a titlaiin lawm a hlawh lehpek hle. "Hei hi ka vawi khat perform-na a ni a, hnam dang zinga Mizo hla hlang ngei maia ka zai a an walk kha a hlu ka ti hle," tiin Zaii chuan Vanglaini a hrilh.

Escape Engmoia Showstopper-ah hian Mizoram model chhuanvawr leh actress ni tel bawk, Kimkimi Ralte chuan ramp a lo 'walk' bawk a, fashion week chhung hian Mizoram team-te hian lawm an hlawh fal bik hle a, a chhung a lut ve thei lo tam tak pawn lamah an awm bawk tih a sawi.

East India Fashion Week hi kum 2018 aṭang khan neih ṭan a ni a; kumin bik hi a vawi thumna chiah niin, Escape Engmoia hian 2018 khan hlawhtling takin a lo show tawh bawk. Escape Engmoia collection hi 'upcycling chic' a ni a, thil hluihlawn tawh aṭanga thil thar duan chhuah a ni. He fashion week-ah hian hmarchhak state hrang hrang aṭangin designer 20 an kalkhawm a ni.