SaiWanah-a'n 'Run Nuam' album-a hla awmturte min tem lawktir ṭan e!

Ṭhazual Award 2022-a Best New Artist Lengzem leh, Song of the Year Lengzem 'Tui leh Mei' dawngtu SaiWanah chuan kumin hian album thar "Run Nuam" tih chu a tlangzarh dawn.

SaiWanah hian a album tihchhuah tur "Run Nuam" pualin single 'Run Nuam' tih vek chu a lo tichhuak tawh a, rin leh beisei lawk ang ngeiin a hit-in ngaithlatu an pung chak hle. He thu ziah lai thleng hian YouTube-ah mi nuai 21 chuangin an view tawh.

Ni thum liam ta lawk khan 'Duhlai' tih hla thar tichhuak lehin nimin thleng khan mi nuai 2 dawnin an ngaithla leh der tawh a, mi nawlpui zawm theih leh ngaihthlak nuam hla phuah ṭhin thlang dawn i la, SaiWanah hi a hming kan lam tel turte zinga mi a ni ngei ang.

Album chungchangte sawiin, "Hla tam zawk hi chu infuihna lam hla ni dawn a, hmangaihna lam hla te, inṭhianṭhatna hla te pawh a tel ang," tiin SaiWanah chuan a sawi.