'Gladiator 2'-a Roman Emperor lem chang tur Joseph Quinn

British actor, Netflix series hit 'Stranger Things', 'Game of Thrones' lamahte pawh lo inlan tawh Joseph Quinn chu Gladiator chhunzawmnaah Roman Emperor Caracalla lem chang tura tihchian a ni vel leh ta.

Kum 2001 daih tawha tihchhuah Gladiator kha khawvel huap film ngaihven hlawh a tling pha a, kum 20 chuang hnua an tharthawh leh pawh hian media-te ngaihven a hlawh lehpek hle a ni.

Gladiator 2-a changtu tur hming ṭhenkhat chu puanzar an ni tawh a, Paul Mescal chuan Lucius role rawn la in, Connie Nielsen, Denzel Washington te chu chang tura nemngheh tawhte an ni.

Deadline tarlan danin, "Washington hian uluk taka film project-te a zirchian hma loh chuan a chang duh ngai lo, mahse a thawnthute a chhiar hnuah script ziaktu ngaihtuahna chu a fak hle a, he project-a tel ve hi a thlang ta a ni," tiin Hollywood mihrang Denzel an hmin dan a sawi.