K-pop chanchina album hralh hnem ber SEVENTEEN "FML"

South Korean boy band, Pledis Entertainment hnuaia din 'SEVENTEEN' mini album thar "FML" chu Korean album chhuak tawh zinga hralhchhuah hnem ber a ni!

April 24 khan member 13 awmna, SEVENTEEN chuan K-pop fans tam takin a an ngahhlelh an mini album 10-na "FML" hmangin comeback ropui an rawn lantir a, ni khat chhung lekin copy maktaduai 3 chuang an hralh.

Hanteo Chart tarlan danin, "FML" hian April 24-30 inkar khan copy 4,550,214 hralhchhuakin, K-pop history-ah kar khat chhunga copy mtd 4 chuang hralhchhuak hmasa ber an ni bawk.

SEVENTEEN hian Hanteo chanchinah kar khat chhunga sales sang ber record an rawn khum a ni mai lo a, album zinga total sales ngah ber nihna an rawn chelh bawk. Record chelhtu BTS chuan kum 2020-a tihchhuah “Map of the Soul: 7" album chu kar khat chhungin copy maktaduai 3.3 an hralh a, hemi hnuah copy maktduai 4.2 chuang an hralh leh tawh a ni.