Science & Environment: China siam - Zhurong Mars Rover-in Mars-ah tui awmtheihna hnuhma hmu

China-in Mars leilung zirchiang tura an tirh, Zhurong Mars Rover khawl hmangin Red Planet-ah tui awm theihna leh hnuhma awm ang tak an hmuchhuak tih sawiin, Mars-a hmun ṭhenkhatah chuan mihring tana khawsak theihna 'chance' a awm maithei tih an sawi.

Science Advances journal-in a tarlan danin, Zhurong rover hian Mars 2021 khan Mars leilung hi a thleng a, equator leh pole aṭanga hmun hla tak; latitude hniam lama vaivut inchhekkhawl, sand dune-ah liquid water hi an hmuchhuak a ni.

Chinese researcher-te sawidanin, scientist-te chuan kum tluklehdingawn 3 vel liam ta khan Mars-ah hian kan chenna leilung ang takin sik leh sa bakah, tui luangte pawh a awm ṭhin niin an ngai. Mahse nasa taka sik leh sa inthlak thut chuan an chenna chu tikhang vekin, layer chhah takin a khuh bo vek niin an sawi. Vawiin thleng hian Red Planet-ah liquid water a awm tih finfiahna erawh a la awm lo. Nimahsela, research thar berah erawh Mars leilung inlumlehdan chanchin kimchang hriat theihna kawng zau tak a in hawng mek.

Zhurong rover chezia zirchiangtu scientist-te chuan Mars-a boruak hi a inṭhen nasa ṭhin tih an sawi a, zingkarah boruak a inthlakin tui al, saltwater chu kiam a, thil al chiah chu bangin mineral rawn insiam tharte pawh vaivut nawiah changin lei, crust angin an rawn insiam tih an sawi.

Chinese Academy of Sciences (CAS) chuan rover data aṭangin hydrated sulfates, hydrated silica, iron oxide minerals leh chloride awm theihna sang tak an hmuchhuak tih an sawi.