F1 Driver Alonso leh Swift

Formula One Driver Fernando Alonso leh Taylor Swift inkar chu sawi rik mek a ni. F1 driver hian an puhna hi a pha emaw dawt a nih thu emaw a la sawilang lo a, media-te chu chhaih kual velin rinhlelh tur ni awm tak te'n TikTok lamah video thar a tlangzarh zui leh bawk a ni.

Spanish racing driver hian gym-a a insawizawi laiin Taylor Swift hla "22" ngaithlain, "22 ka chawi" tiin caption-ah a ziak zui bawk.

Swift nena sawizawm an nih hnua Marca-in an kawmnaah, Alonso chuan, "Ka mimal thil leh hnathawhna chu ka dah hrang ṭhin. Engmah sawizui loh ka thlang e," tiin a chhang.

An inkar thuthang hi DeuxMoi chuan tarlang hmasa berin, "Kawppui nei lo ve ve an ni a, kar khat chhung vel chu hun an hmang dun tawh a, an inkar erawh a la thuk lo hle," niin an tarlang.

Swift pawhin hemi chungchangah hian thuchhuah eng mah a la siam zui lo a ni.