Yash Raj spy film-ah Deepika Padukone leh Katrina Kaif?

India rama lemchanthiam hmingthang pahnih, a bikin action film huanga an chetla hmuhnawm zual tak - Deepika Padukone leh Katrina Kaif-te chu Yash Raj spy film thar turah chang tura sawizawm mek an ni.

Indian entertainment company, Yash Raj Films hi tunlai hian 'spy verse' lam an hawi nasa a, Pathaan leh Tiger film lama an che tla kan lo hmuh ṭhin pahnihte hi an inkawprem dawn tih a chiang a, Hollywood film-ah chuan hmeichhiate hi spy film-ah lead role la ṭhin mah se, Indian film-ah erawh Deepika leh Katrina-te hian he thuthang hi a taka an chantir thei a nih chuan ram chhunga hmeichhe lead role la hmasa ber an ni ang.

Yash Raj Films chuan Pathaan hlawhtlin zia an hrechiang tawh a, tuna spy verse zauh zel tuma an hmalakna pawh hi a finthlak hle.