India ramah Backstreet Boys an che na

American boy band, Backstreet Boys chuan India rama intihhlimna leh milarte tualchaina khawpui Mumbai-a Jio World Garden-ah DNA World Tour khuhhawnna an rawn nei a, nimin khan Delhi-ah tour hi chhunzawm lehin hetah hian an vanglaia an hla lar ber ber rawn sain Indian celebrity-te pawhin an hlut hle.

Member panga - Nick Carter, Howie Dorough, AJ McLean, Brian Littrell and Kevin Richardson-te awmna hi kum 1993 khan Orlando, Florida-ah rawn indinin khawvela boy band lar ber zinga chhiar tel reng tawh turte zinga mi an ni a, an hunlai boruak hre pha chin chuan an huhang nat ṭhin zia an hrethiam mai awm e.

DNA tour hi Shraddha Kapoor, Jacqueline Fernandez, Meezaan Jafri, Benny Dayal-te pawhin an chhim a, an tetlaia an suangtuahna an tihhlawhtling thei chu hlawkthlak an tih thu an sawi chamchi a ni.

Backstreet boys hian record maktaduai 100 chuang an hralhchhuak tawh a, tuilet hnuah anni aia boy band hlawhtling hi an la awm lo a, 'Backstreet Boys' leh 'Millennium' chu Recording Industry Association of America (RIAA) chuan rimawi huanga chawimawina sang certified diamond lai a pe tawh a ni.