Hazard-a'n inkhelh a chawlhsan dawn

Chelsea aṭanga Real Madrid zawmtu Eden Hazard chuan kum 2024-a football khelh chawlhsan a rilruk thu a sawi chhuak.

Kum 32 mi Hazard chuan, "Season tharah Real Madrid-a cham ka tum a, ka kum tawp ber hi Santiago Bernabeu-a hman zawh ka duh," tiin sawi a, hemi zawh lama hian football khelh chawlhsan a tum.

Real hian June 7, 2019 khan Hazard hi euro maktaduai 100-in Blues aṭangin an lalut a, kar khatah £400,000 an hlawhtir. Mahse, Hazard hian Spanish club-ah beisei a pha lo a, La Liga bikah season khatah match 20 khelh tlin pawh a nei lo a, tun season-ah phei chuan league match nga chauh a la khel. Man City an hmachhawn hunah pawh Hazard tan hmun a awm lo ang.

Chutihrualin Hazard hian Real-ah hian nomawi lian tham an chawi vek a, club tan tha thawh hlawk mah se a record erawh a ṭhat belh hle.