ZOTE ENTERTAINMENT LEH LERSIA thawkdun dawn

Zote Entertainment chuan kumina an film project thar tur, 'THAIBAWIH' an siam turah LERSIA an thawhpui dawn.

Thaibawih hi Lersia (Lailen)-te chuan an co-produced sak dawn a, an apps kaltlanga stream tura ruahman a ni. Thaibawih hi Mizo Society lam thawnthu behchhan thoa siam tum a ni a, kan khawtlang nun behchhana ziah niin, mipa leh hmeichhe intluktlanna lam te, inchhungkhura pa ber leh nu ber dinhmun tarlan tum a ni.

"He film hian mi ṭhenkhat rilru chu a ti na deuh mai thei a, sawisel fe fe pawh an tam mai thei. Mahse kan khawtlang kaldan ni a kan hriatdan leh, kan vei zawng kan rawn tarlang a ni," tiin film director leh script writter ni bawk Mike chuan a sawi.

Thaibawih film hi June aṭangin shooting neih ṭan tura ruahmanna siam a ni. Ṭum danga an la tih ngai loh ang deuhin he film pual bik liau liauin Story Board din a ni a, hei vang hian Mizo film-a a thawnthu kalhmang kan duhkhawp loh ṭhinnate pawh he film-ah hi chuan a ziaawm hle tura ngaih a ni.