'The Summer I Turned Pretty' Season 2 kan nghak chhuak ṭep

Amazon Prime Video chuan July 14 aṭangin an series hit "The Summer I Turned Pretty" chhunzawmna, Season 2 chu an pechhuak leh ṭan dawn a, hemi ni bik hian episode thum phochhuah nghal a ni ang.

Episode hmasa pathum - "Love Lost," "Love Scene" leh "Love Sick," hmangin series hi khuhhawngin, nipui tluan daih tur episode 8 an tichhuak dawn a ni.

He series hi Jenny Han lehkhabu ziah, best-selling trilogy 'The Summer I Turned Pretty' behchhan veka ziah a ni. Season 2 hi kum 2010-a tihchhuah a lehkhabu pahnihna 'It's Not Summer Without You' thawnthu aṭanga lakchhuah niin, season 2-ah chuan a changtunu "Belly" Conklin (Lola Tung) chuan mipa pahnih inkara a dinna diktak a puang tawh dawn tih synopsis chuan a tarlang.

Season 2-ah hian original cast member ten Cousins Beach-ah an role ngai ṭheuh an la leh dawn a, Tung bakah hian Briney leh Casalegno, Sean Kaufman (Steven), Jackie Chung (Laurel) leh David Iacono (Cam)-te hmel kan hmu chhunzawm leh dawn. Fan-te atchilh rawn Shayla erawhin chan chhunzawm a tum loh thu sawiin, Kyra Sedgwick leh Elsie Fisher-te chu hmel thar inlan turte an ni.