K-pop act zinga Spotify-a stream tld. nei rang ber - New Jeans

South Korean girl group, ADOR hnuaia din New Jeans chuan Guinness World Record thar siamin, K-pop act zingah Spotify-a stream tluklehdingawn nei rang ber an ni.

Member panga - Minji, Hanni, Danielle, Haerin, leh Hyein awmna hian khawvela streaming platform hlun berah hian hla paruk chauh an dah nachungin, an hlate hi mi ngaihven a hlawh hle. An group hian - "Attention", "Hurt", "Hype Boy", "Cookie", "Zero", "Ditto", leh "OMG" hlate dah tawhin, an hla thar "OMG" chuan ngaithlatu ngah berin, stream mtd 320 chuang a nei tawh.

New Jeans hian stream tld khat nei tling turin ni 219 chiah hun an hmang a, a hmaa record lo chelhtu BLACKPINK star Lisa khan stream tld nei tling turin ni 411 hun a hmang a, BTS member Jungkook khan ni 409 a mamawh thung.

Mellung pawimawh tak an phun rual hian an Label chuan kumin April thlaa an album zawhfel tawh chu tun nipui chhung ngeia tihchhuah an tum thu leh, fans-te tan rimawi thar leh dangdai tak an chhawpchhuah tur thu an puang.

Album thara an hla tur chungchangte sawi zauin, "R&B leh hip-hop inchawhpawlh, pop tlem azawng leh in lo hriat tawh sa ang hla khatah genre hrang hrang hi kan chawhpawlh dawn a, rimawi dangdai leh ngaihthlak nuam tak a ni ngei ang," tiin Minji chuan a sawi.