Beyonce-i'n 'Renaissance' tour hmangin Taylor Swift 'Eras Tour' a khum thei dawn

Music Industry huanga hmeichhe zaithiam hlawhtling filawr pahnih, Beyonce leh Taylor Swift chuan chanchin ngaihnawm tak an rawn nei thar a, inhuatna leh inhmuhthiam lohna lam ni loin Tour aṭanga inelna lam daih a ni thung.

Beyonce Knowles chuan a "Renaissance World Tour"hmangin USD tluklehdingawn 2 chuang a lalut thei dawn tih Forbes chuan a tarlang. Financial publication-in a tarlan danin, Beyonce hian May 10 aṭanga September 27 thleng awh tur tour aṭang ringawta a sum lakluh zat tur hi USD tld 2.4 vel niin an chhutsak!

Hei bakah hian, kum 41 mi zaithiam hian a merchandise sales aṭangin USD maktaduai chuang a humhaw dawn tih a chiang bawk a, kum sarih zet tour nei loa sumdawnna lam hawia a bo hnuah Queen Bey hian khawvel ram hrang hrang fang lehin, a tour ticket pakhat man hi USD 700 man te an ni. Ticket inchan lo an ṭhathnem deuh avangin Beyonce chuan show pawh a siam belh nghe nghe.

"Halo"hitmaker hian kum 2016-a 'The Formation World Tour' zawh aṭang khan tour hi a nei chhunzawm leh tawh lo, mahse tunah chuan July 2022-a a tihchhuah a comeback album "Renaissance"hmangin show 40 chuang a nei dawn a, Nilaini khan Sweden-a stadium lian ber, Friends Arena-ah tour hi a khuhhawng a ni.

Beyonce hian Forbes tarlan ang zat sum a hailut thei a nih chuan, tuna tour nei ve mek Taylor Swift-i'n "Eras World Tour"aṭanga a sum lakluh belhkhawm aiin USD mtd 600 chuangin Beyonce hian Swift hi a khum thei dawn a ni.