EXO member Kai-a'n military training a zawm fel

South Korean-Chinese boy band, EXO-a an lead singer Kai chu nimin khan an ram danin a phut angin military training a zawm a, public service worker anga bul a ṭan hmain basic training a nei hmasa phawt dawn a ni.

Sam tawi pu ngai lo Kai chuan loh theih lohin a lu a mehkawlh a ngai ta a, social media lamah a 'buzz cut' pawhin lawm a hlawh hle a, "Thliin ka lulei a rawn chhem vawi khatna a ni," tiin a lu meh dan chu amah inkah nan a hmang zui.

EXO agency SM Entertainment leh Kai chuan kar hmasa lam khan army duty a neih tur thu hi thuchhuah siamin an lo puang tawh a, fans-te thlahnan fan meeting-te pawh an buatsaih tawh a ni. EXO lama a member puite chuan Kai hi thlahliamin, duhsakna an hlan a ni.