“Best emerging Hip-Hop Artist of the year"dawngtu JELO

Aizawl Dinthar tlangval Joshua Lalrempuia , 'JELO’ tiha hriat lar hi mahni tuina ngei RAP music hmanga contract deal hmu thei a ni. India hip-hop scene a Label lian ber zinga mi, Mumbai-a hmunpui nei–AZADI Records ten thiam an tih em avangin an rawn zawngchhuak a, contract deal an rawn sign pui hial a ni. ‘AZADI RECORS’ Label hnuaiah hian album puitling ‘BACK ON PAGE’ album chu nikum June thla khan release niin, streaming site hrang hrangah ngaihthlak theiha chhawpchhuah a ni. He album hi Mizo hlang produce a ni nghe nghe.

Hei mai a ni lo, Indian Music diaries award 2023 in India ram chhunga “Best emerging Hip-Hop Artist of the year"nihna an rawn hlan rup mai a, theuneu lo tak a ni.

Zanin hian Local event house R&S Complex, Bawngkawn, Aizawl-ah he award lawmna ni pah fawmin concert an nei dawn a, India rama rapper ṭhangduang ber pawl perform lai en man hi a to dawn lo, Rs 300/- chauh sengin a en theih dawn a ni.