Mapuia'n Super Human Award a dawng

National Integrated Forum of Artists and Activists (NIFAA) INDIA founder president Pritpal Singh Pannu chuan chuan fiamthu thianghlim hmanga min awitleitu, H. Rotluanga (Mapuia) hnenah 'Super Human Award' a hlan.

NIFAA chuan he award an hlan chhan sawiin, "Vantlang mithmuha fiamthu thiamte landan thlak danglama mi zahawm takah siamin, fiamthu ṭha tak tak thamral tir mai loa sumdawnna hlawk taka siamtu a ni. Chuvang chuan, NIFAA chuan a sulhnu ropui tak avangte hian Super Human Award a hlan a ni," tiin lawmpuina an hlanah hian an ziak.

NIFAA hian Haryana-ah hmunpui neiin, khawtlang siamṭhatna tur, nau tihtlakna thleng ṭhin titawp tura hma la tur leh, Aids leh ruihtheihthil do tura din a ni.

March 23, 2021 khan ram zalenna sualtu ram tana martar pathum: Bhagat Singh, Rajguru leh Sukhdev-te hriatreng nân 'Blood and plasma donation' India ram pum huapin an huaihawt a, world record an lo siam tawh nghe nghe a ni.

He campaign pual hian Mizoram Chapter NIFAA pawhin National Headquarters-a rawtna thlen bawhzuiin, Mizorama thisen pe tam mi pathum - RC Rokhum, C. Lalremruata leh Rebecca Saimawii te hnenah 'Golden Arm Award' chawimawina a lo hlan tawh bawk