Thulkhung application-ah Black Rose hralh a kal

Black Rose movie chu Thulkhung application-ah dah chhuah ṭan a ni a, dah tirh aṭangin hralh a kal nghal hle. A jam nasat avangin ṭhenkhatin harsatnate an han tawk zeuh zeuh a, vanduaithlak takin apps lamin beih (hack) te han tawk mah se, tunah chuan pangngai taka kalpui a ni leh tawh a, harsatna awm loin a en leh theih tawh a ni. Thulkhung apps-a dan chhuah a nih aṭanga a zan khatnaah mi sang chuangin an lei nghal thu Vanglaini an hrilh.

Hei bakah hian application a dah chhuah a nih hmain Mizoram-a hmun 70 chuangah show kalpui a lo ni tawh a, heng show-ahte hian hall khat tlatin mipui an pungkhawm a, hlut a hlawh vet vet hle. Tunah chuan kumina Mizo film tihchhuah tawh zinga thawm nei lian ber pawl hi mitin en theih turin Thulkhung Application-ah dah chhuah a ni tawh a ni.