Justin Bieber-a'n an nupaa baptisma an chan dun 'special' a ti

Justin Bieber chuan Instagram-ah an nupaa baptisma an chan dun lai thlalak Nilaini khan a tarlang a, an fan-te'n an lawm hle.

A thlalak tarlan caption-ah hian, "Ka nupui Hailey Bieber nena a ruala baptisma kan chang dun lai! He hun hi ka nuna hun 'special' ber pakhat a ni. Isua kan hmangaihna leh kan rinna kan chhungte leh kan ṭhiante nen kan tilang a ni," tiin a ziak.

Bieber-te nupa hi Kristiannaah an nghet hle a, thlalak a tarlanah hian pool-a pastor-in an nupa kut a vuan lai hmuh tur a awm. An nupa hian Instagram lamah Isua-a rinna an nghah thu an tarlang fo a ni.

Kum 2015-ah khan Hillsong pastor pakhat chuan an kawmnaah kum 2014-ah Justin hi NBA player Tyson Chandler-a bathtub-ah baptisma a chan tir tih a lo sawi tawh bawk.

Ni ruk vel liam taah pawh khan 'Isua hi kan beiseina a ni' tih ringawt IG-ah hian a post tawh bawk a, he a post caption-ah hian Isua chu kan harsatna hrang hrang chhanna a nih thu ziakin beiseina a neihna chu Isuaah a nih thu a ziak bawk. Heng a post siamte hi mi maktaduai chuang­te'n an like ṭhin a, comment pawh a ṭhehnem ṭhin hle.