YG girl group thar BABYMONSTER ten Music Video hmasa ber tichhuak

South Korea-a entertainment agency lian, Blackpink, Treasure leh actor lar rual inziahluhna - YG Entertainment hnuaia girl group thar ber BABYMONSTER chuan an music video hmasa ber an tichhuak ve leh ta.

YG hian nimin khan BABYMONSTER’s pre-debut song “DREAM” MV chu tichhuakin, hetah hian band member pasarihte chu mipui mithmuha an vawi khat inlanna-YouTube reality show “Last Evaluation,”-a an hlimthlate tarlan a ni.

YG Entertainment dintu Yang Hyun Suk chuan BABYMONSTER chu five-member group ni turin lo sawilawk mah se, an trainee mi pasarihte chu an inlan tur thu a puang leh a ni.