Lemchan chawlhsan nuam ti Cameron Diaz

'The Mask' actress Cameron Diaz chuan lemchan a chawlhsan hnuah a nun a ralmuang zawk tih sawiin, a nun ṭhenkhat a hloh tawh chu a nei kir leh hial nia a inhriat thu a sawi.

Kum 2014-a 'Annie' remake-a a chan hnuah khan Diaz hian film dang a la chang leh lo a, a ṭhiannu lemchan lam chawlhsan rihtu tho Gwyneth Paltrow hnenah a nun ralmuan sawt thu hi a sawi a ni.

Diaz hian kumin kumtir lam khan a pasal Good Charlotte guitarist Benji Madden nena fanu thar Raddix Madden an neih thu a tarlang a, nu nih nuam a tih thute tunhnai lawk khan a lo sawi tawh bawk.