FIFA 21 Gameplay Trailer a chhuak tawh

Mizote pawhin kan ngaihven em em FIFA 21 gameplay trailer chu tlangzarh a ni ta.

EA Sports chuan an game tlangzarh thar tur gameplay feature thar tur an lo sawilan tawhte chu an trailer tharah hian chiang zawkin an rawn tilang a, FIFA gamer-te tan chuan a phurawm tawh hle ang.

Trailer an tihchhuah hi minute thum chuang lai a ni a, improvement hmuh tur a awm nual dawn tih a chiang nghal hle. Dribbling, positioning leh collision-ahte improvement a awm dawn tih a chiang a, 'Rewind' feature awm thar tur hian ngaihven a hlawh hle bawkin a rinawm. He feature thar hmang hian thil tihsual a tihṭhat leh theih dawn ni awm tak a ni a, hei hi game kal laklawh lai pawhin a hman theih dawn niawm tak a ni a, mahse hei hian game khelh a tinuam sawt dawn nge a ti 'fair' lo zawk dawn tih erawh hriatthiam a harsa hle. I lo pet goal lo palh a nih pawhin i 'rewind' zeuh anga i 'shoot' ṭha leh thei dawn tihna a ni a, hemi chungchang hi chu a game kheltute ngaihdanah a innghat thui hle dawn a ni.

'Competitor Mode' a awm thar dawn bawk a, hetah hian FIFA pro-player-te hnen aṭanga inzir AI-te an dah dawn a nih hmel bawk. FIFA 21 hi October 9 hian  PC, PS4, leh Xbox One-ah tlangzarh a ni dawn a, EA / Origin Access neite erawh chuan October 1 aṭangin an nei thei tawh dawn thung.