Billboard Hot 100-a hla 100 lanpui thei hmasa ber - NBA Youngboy

Young Boy Never Broke Again chuan thla hmasa khan mellung pawimawh tak rawn phunin, genre zawng zawnga Hot 100 hits-a hla 100 lanpui thei artist hmasa ber niin, a lawmna atan mixtape thar 'RICHEST OPP' chu Never Broke Again/Motown Records kaltlangin a tichhuak. Hei bakah project thar lawmna atan, music video thar “B___h Let’s Do It.” a tichhuak nghal bawk.

Youngboy hian a hla kaltlangin stream tld 30 chuang a nei tawh a, RIAA-certified release 109, platinum leh double platinum album pathum lo hung tawh bawkin, tunlai khawvela artist ngaihthlak nasat ber te zinga mi a ni.

Luminate tarlan danin, YoungBoy hian US bikah artist stream tam lamah Drake leh Taylor Swift-te chauh phak loin pathumna dinhmun a hauh a, he thu ziah lai hian YouTube-a Top Artists page-ah pakhatna a ni nghe nghe. The Source chuan “Top 5 Hip-Hop Artists of 2022,”-ah puangin, kan chenna leilunga rapper ṭha ber pawlah an mi tam tak chuan an chhal mek.