'Beyond Good & Evil' movie NETFLIX-ah

Ubisoft cult video game lar Beyond Good & Evil chu Netflix-in movie-ah an siam dawn nia tarlan niin tunah hian hma an la ṭan tawh.

Nikum lama film lar tak Pokémon: Detective Pikachu director Rob Letterman chuan Beyond Good & Evil movie hi a siam dawn a, Detective Pikachu ang deuh bawk khan live-action leh animation inpawlh tur a ni dawn.

Netflix hian script ziaktu tur an zawng mek niin media report ṭhenkhatah chuan tarlan a ni a, Ubisoft Film & Television Jason Altman leh Margaret Boykin-te chu producer board-ah an tel nghal tih a chiang tawh bawk.

The Hollywood Reporter chuan hemi chungchang hi a tarlan hnuah Netflix lam hian an rawn nemnghet ve leh a ni. Beyond Good & Evil hi kum zabi 25-na hunlai vel behchhana siam game a ni a, photojournalist pakhatin khawvel buaina sawi hlawh tak chungchang a hailan dan vel a ni.