Helmet khum loh vangin Amitabh leh Anushka-te pawisa chawitir dawn

Bollywood mi hrang Amitabh Bachchan leh Anushka Sharma-te chuan two-wheeler an chuan laia helmet an khum loh avangin pawisa an chawi dawn.

Amitabh-a khawpui traffic tawt tak karah shooting nan hman loh hlaua two-wheeler-a mi pakhatin a phur lai leh, Bajaj 220F-a Anushka Sharma chak taka an phur lai thlalak darh chu social media lamah chuan mipui khel rawn a ni mek. Ṭhenkhatin ram puma mi ngaihsan rawn leh lemchanthiamte hi an fak laiin, dan mit aṭanga thlirtute chuan eng anga mi challang pawh ni se dan pawisa loa an khawsakna avangin hian pawisa chawitir ngei an ngiat thu an lo tlangaupui ve bawk.

Social media khawvela cheng kan nih tawh avangin he post pawh hi Mumbai police-te beng a thleng rang hle a, lemchanthiam pahnih chungah hian action lak an tum tih an sawi.

Helmet khum loa lirthei khalhtu leh a mi phurhten an khum loh bawk avangin Rs 1,000 an chawi a ngai dawn a, thla thum chhung vantlang tana hnathawh tir thlenga hrem theih an ni bawk a ni.