"Fa neih chu ka duh, mahse ka hlau tlat" - Hailey Bieber

Hailey Bieber chuan a pasal Justin Bieber tan fa hrinsak a chak rual rualin a rilruah huphurhna lian tak a neih thu a sawichhuak.

"Fa neih hi chu ka chak takzet; mahse, ka hlau ṭhin. Mipuiin ka pasal emaw ka ṭhiante emaw chanchin an sawi ṭhin hi ka hne tawh nak alaiin, miin ka fa chungchang an sawi tur phei hi chu ngaih pawh ka ngaihtuah chhin peih lo," tiin Hailey chuan a sawi.

The Sunday Times-in an kawm ṭumin Hailey chuan, March 2022-a stroke tenau a tawrh ṭuma mipuiin a hriselna chungchang an sawi dan leh, a chungchanga ngaihruatna mak tak tak an siam dante chu tun thlenga hriatthiam harsa a tih thute a sawilang nawn leh bawk.

Hetih lai hian, kum 2020 khan The Ellen DeGeneres Show-ah Justin chuan a nupui nen engtik niah emaw fa an la neih ve ngei a rin thu lo sawi lang tawhin, "Ka hminga fa tlema zawng neih chu ka chak hle a, mahse ka nupui taksa a ni a, a duh angin a ti thei a, ka thuneihna piah lam a ni. Ani pawn fa neih ve nual chu a duhin ka hria," tiin a lo sawi tawh a ni.