Billie Eilish leh Jesse Rutherford an inṭhen

American singer-songwriter, Billie Eilish leh a bialpa, tuna Neighbourhood front man ni lai Jesse Rutherford-te chuan thla sarih chhung vel an inzui hnuah an inṭhen thu an puang.

"Billie leh Jesse-te hi inhuatna tel loin an inṭhen a, ṭhian ṭha taka awm chhunzawm an tum," tiin Page Six chuan a tarlang a, "Midang an inkawpsan nia thuthang awm pawh thu dik lo a ni a, an pahnih hian an single ve ve a ni," tiin Rutherford lamhnai chuan a sawi zui bawk.

Thawnthu chu

Kum 21 mi Eilish leh, kum 31 mi Rutherford-te hi October 2022 khan West Hollywood-ah chawhlui an kildun avangin an inkarah thil eng emaw a awm ni ngeia ngaih theihin sawizawm an ni chho ṭan a, November 1 khan an inngaihzawnna hi IG kaltlangin an nemnghet zui leh. Hemi thla vek hian LACMA Art + Film Gala-ah Gucci blanket nen rawn inzui lehin, hei hian mipui lawm pawh a hlawh hle.

April thlaa neih zawh tak, Coachella Music Festival hnuah an inzui chhunzawm tawh lo a, Eilish hian Met Gala pawh kha a kawppui tel lo hian a va chhim a, tunah chuan sawizui ngai tawh loin an inkar hi an rawn tichiang zui ta a ni.