FAKTU BAND-in 'Pathian Hmangaihna' an rawn chhawp chhuak dawn ta!

An hunlaia gospel artist ṭha rual ṭhah - RK Vanlalpeksanga (Mapeka), JH Lallungmuana (Jh-a), B Lalbiakkima (Bka), Lalremsanga (Betea) leh Sangzuala Chhangte-te intelkhawm, Faktu Band chuan 'Pathian Hmangaihna' tih hla chu zanin hian Zonet Local Cable TV-ah leh MDM YouTube channel-ah ngaihthlak theihin an chhawp chhuak dawn. He hla hi Mary Lalfakawmi, Holycross Bakery neitu phuah 'Hnehna chu Lalpa ta a ni' tih album-a mi a ni!

Faktu Band member tinte hi Zoram mipuiin kan hmelhriat tawhte an ni a, mimal ang pawha gospel hla hmangin Pathian rawngbawlna lama an theihna leh thiamna te an hun lai lo hmang reng ṭhintu te an ni. Vawiin thleng pawhin chhangchhia leh buai tak chungin Pathian rawngbawlna atan an la penchhuak zel a ni. Tuna an hla tihchhuah tur 'Pathian Hmangaihna' hi an MV pangana tur a ni ang.

"He hla ropui leh nung tak hi a ngaithla apiangte'n tisa leh thlaraua malsawmna nasa tak an chan theihnan duhsakna sangber kan hlan a ni," tiin band member Jh-a chuan a sawi.

He music video-ah hian backing vocal ṭha tak leh dangdai tak mai kan hmu tel dawn bawk. Zaithiam rual Angaihtei, Zamtei, Tluangtea (Baptist Choir) leh, Tetei, Marempuii, F Lalnunthari (Besy choir-a mite) leh Johana & Ricky ten an pui.