76 Festival International Du Film De Cannes 2023 ah Mizo Delegates pahnih

Cannes Film Festival vawi 76-naah I&B Ministry hmalakna in North East film siamtute tan khawvela film festival lian berah inpho chhuahna (exposure) nei turin NE state tin atangin mi 2 palai/delegate turin tirh an ni a, Mizoram ai awh turin Aldrina Zosangliana leh Napoleon RZ Thanga te tirh/thlan an ni. Delegates te hi north east state tina film maker pahnih zel thlan an ni.

Cannes film festival hi kumtin an nei ṭhin a, Cannes film festival hi May 16-27 thleng hman tur niin, he festival-ah hian India film 4 chhuah a ni a, Kanu Behl siam 'Agra', Anurag Kashyap film 'Kennedy', 'Nehemich' leh restored Manipuri film 'Ishanhou' chu Classics section ah chhuah a ni.

Cannes Film festival-a film chhawp chhuah (competition, non competition & special screening) te hi cinema hall 20-ah zing 8:30 aṭangin zan dar 10 thleng chhuah ṭhin a ni. Film screening bakah international film market pawh siam a ni ṭhin.

Cannes film festival-ah hian ram ṭhenkhat te'n pavilion an nei a, India pawh in pavilion neiin, he pavilion-ah hian film hmalak dan tur te leh, hmachhawp te sawi ho ṭhin a ni.

Discussion leh session pawimawh tak hman ṭhin a ni a, he pavilion hi National Film Development Corporation (NFDC) in enkawlin, Central Minister leh I&B Ministry-a Jt. Secy (Films) Prithul Kumar leh Director (Films) Armstrong Pame tepawhin an ṭhutchih a ni. India ram, a bikin North East shooting destination chungchang pawh sawi ho niin, Mizoram clip tawite pahnih chhuah a ni bawk.

Session pakhat ah Hollywood actor lar Micheal Douglas in Indian Pavilion ah hun a hmang a. Film director, Hollywood actor bakah Bollywood filmstar ten a khat tawkin red carpet-ah hian an inlan ṭhin a ni. Mizoram aiawha thlan Aldrin Zosangliana chuan, "Khawvel huap Film Festival ropui bera kan kal thei hi Pathian chungah lawmthu ka sawi rualin, film siam kawnga zofate'n hma kan sawn theihna atana ṭha tur hrang hrang kan kawhhmuh ve theih ngei ka beisei" a ti.

Kumin Cannes Film Festival-ah hian Hollywood star lar tak tak - Michael Douglass, Johny Depp, Roberto De Niro, Martin Scorsese, Leonardo DiCaprio te an in lar a, Naga model & actress Andrea Kevichüsa pawn red carpet a rap ve a ni.