Jay-Z leh Beyonce te'n California-ah Rs vbc 1,656 man in an lei!

United States-a entertainment mai bakah an sumdawnna kawnga nupa hausa tawntaw, Jay-Z leh Beyonce-te chuan kar kal ta khan Califronia-ah Rs vaibelchhia 1,656 (USD mtd 200) man chenna in an lei niin khawthlang media-te chuan an puang mauh mai. Jay-Z te in thar hi Malibu-a awm niin, an state huamchhunga in man to ber niin TMZ chuan a tarlang.

He in hi USD mtd 295 lai chhiar a ni a, Pacific tuipui kiang awm niin square feet 30,000 a zau a ni a, Japanese architect hmingthang tak, Pritzker Prize-te pawh lo dawng tawh Tadao Ando-a design niin, Malibu-a Kanye West villa pawh ama kutchhuak vek a ni.

Architectural Digest tarlan danin, Beyonce leh Jay-Z-te hian USD mtd 177 senga in man to ber record lo chelhtu venture capitalist Marc Andreessen-a'n kum 2021-a lo lei tawhna chu zaithiam nupate hian an khum a ni, a ti.

Hei bakah hian, sum lama buai lo tak nupa hian kum 2017 khan Los Angeles-ah USD mtd 88 hu mansion an lo lei tawh a, mi nawlpuiin awm se kan tih ang chu he inah hian a awm kim thawkhat hle.