Kum 15 hnuah hla thar nen Nancy Zothanmawii a lo kir e

A tleirawl lai aṭanga a zai kan ngaihthlak nasat leh kan lo hriat lar em em ṭhin Nancy Zothanmawii chu kum 15 hnuah Music Video thar "Kan fak a che" tih hla nen a rawn let leh e.

He hla hi PL Engmawia, Sateek phuah niin, Music hi Siaha lam Uncle John's Cabin siam a ni a, Recording hi Masky Records-ah neih a ni a, Video hi Nancy-te khawsak mekna - Kolkata lamah shoot niin Chiangtea'n a shoot sak bawk a ni.

MDM library ah dah luh fel ni tawhin naktuk zan dar 6 aṭangin Zonet Cable Tv leh Youtube-a ama channel "Nancy Zothanmawii Official Channel" ah mi tin ngaihthlak theih turin chhawpchhuak a ni ang.

Nancy-i hian MV hi 20 lai rawn siamin a remchan dan azir zelin Cable Tv leh Youtube lamah kan hmu chho zel tura ngaih a ni a, Nancy hian fa pathum nei tawhin a pasal hnathawhna avangin Kolkata ah an chhungkua in an khawsa mek a ni.