Deborah Ralte hla thar "Khawizu" a thlum tui

Mizo Idol Season 7-a top 5 lai inhlangkai thei, Deborah Ralte chuan ama YouTube channel (Deborah Ralte)-ah music video thar "Khawizu" chu a duh apiang tana hmehchhuah mai theihin a rawn chhawpchhuak leh ta!

Deborah hi Mizo Idol intihsiakna hnuhnung bera Audition chhinchhiah tlak hnutchhiah a, Zoram pum hmelhriat ni zui thei a ni. Inelna neih chhung zawnga contestant-te zinga mi mit la ber zinga mi a ni hial. A hawiher leh chevelin a zir bawk nen kum naupangte la ni mah se, entertainer ṭhain an neih tur ang chu a nei kim thawkhat tawh hle.

Tuna Deborah-i hla thar pawh hi ama ir awm chhuak a ni a, zaithiam bawk hla phuah thiam bawk hi chu dah hniam an har ṭhin.

Dingtea Guite chuan produce sakin, Regina chuan backup vocals mawi tak a lo pe a, recording hi Altar Records-ah neih ni ve thungin, video hi 'A Film By Kim' chuan a shoot-sak a ni.