Billboard World Albums Chart-ah SEVENTEEN, LE SSERAFIM, Suga, TXT, TWICE, Jimin, leh Stray Kids

Billboard chuan kar liam taa khawvel chart hrang hranga che ṭhate rawn tichhuakin, hetah hian khawchhak unaute chu an tal na hle.

SEVENTEEN mini album thar “FML” chuan kar li chhung pakhatna dinhmun hauh tawhin, "FML" hi an album tihchhuah tawh zinga Billboard 200 top 40-ah kar thum chhung cham thei hmasa ber a ni bawk.

LE SSERAFIM full-length album hmasa ber, kar hmasaa World Albums chart-a dinhmun pakhatna huahtu “UNFORGIVEN,” chu pahnihnaah a tlathla thung a, Billboard 200 top 50-ah kar hnih chhung cham tawhin, LE SSERAFIM hi K-pop girl group zingah top 50-a kar khat chuang cham thei group pathumna an ni chiah bawk a ni.

BTS member Suga-a official solo album hmasa ber “D-DAY” chuan hlawhtlinna a chan chhunzawm zel a, Billboard 200-a Korean solo album thleng sang thei ber a nih bakah, kar hmasaa a dinhmun ngai pathumna a la hauh bet zui zel.

TXT “The Name Chapter: TEMPTATION,” pawhin mellung pawimawh siam lehin, World Albums chart-ah hian kar 16 zet a cham tawh a ni. TWICE mini album “READY TO BE” chu paruknaah awmin, BTS Jimin-a solo debut album “FACE” chu pasarihna a ni a, a zawnin kar riat chhung chart-ah hian a inhamtang tawh. Stray Kids-in kum 2022-a an tihchhuah an mini album “MAXIDENT” chu pariatna niin, chart-ah hian kar 29 zet hun an hmang tawh a ni.