Kiara leh Sidharth-te nupa film tharah?

Shershaah film aṭanga inkawprem tak, an inpawhna a ṭhat em avanga kumin February thlaa inkutsuih zui ta, Kiara Advani leh Sidharth Malhotra-te chu big screen-ah inlan dun tura sawirik an ni mek.

Report chuan Karan Johar-a production company chuan Sidharth-a te nupa hi film chang dun turin inremna an ziahpui tih an tarlang. He film production hi bawhzui thuai an tum thu leh, August thla aṭanga chan hman an tum thu an sawi.

Sidharth leh Kiara-te pawhin project thar hi an nghakhlel tawh hle tih sawiin, a hmaa Sidharth an kawmnaah Kiara nena thawhhdun a la chak reng thu te, engkim mai hi a hunah chuan a thleng mai ang tiin Shershaah-a a chanpui chu film dangah pawh chanpui leh a hreh loh thuin a chhang.

Ramchhunga producer leh director lar–Shashank Khaitan leh Karan Johar-te hnuaiah Sidharth leh Kiara-te hian film pathum chang turin contract an ziak nia tarlan a ni bawk.

Hei bakah hian, Rohit Shetty-a cop series, Indian Police Force-ah Sidharth hi inlan tura tihchian a ni tawh a, a nupui Kiara erawh Kartik Aaryan nen 'SatyaPrem Ki Katha'-ah an chang dun bawk dawn a ni.