THAIBAWIH film-ah Francis leh Ruthy Chenkual

"Kan khawtlang siamṭhat ngai nia kan hriat laite tarlan a ni ang" – Mike, Director

Zaithiam leh hla phuah thiam, 'Thinlung Khawngaihthlak' tih hla aṭanga Zoram mipuiin kan hmelhriat Francis-a leh Mizo film lama mikhual lo tak Ruthy Chenkual te chu Zote Entertainment Project thar, 'THAIBAWIH' film-ah kan hmu dawn!

Francis-a hian a changtupa lem a rawn play dawn a, a zai thiam zia kan hre tawh a, film lamah eng nge a an dawn; a rawn che 'Thaibawih' viau dawn em tih chu mipui nghahhlelh a ni. "He project hi ka huphurh rualin chona nasa tak ka hmachhawn tur hian phurna min pe let thung a ni," tiin Francis-a chuan chona hmachhawn a peih tawh thu a sawi.

Mizo actress zinga ṭhangduang ber pawl, Ruthy Chenkual pawh he film-ah hian a rawn inlan leh dawn a, Zote Entertainment te nen vawi li an thawhhona tur a ni nghe nghe.

Ruthy chuan, "Film hmasa lama character ka la chan ngai loh, Thingtlang Nu lem angin ka rawn inlan dawn a, ka tan thil thar a ni. Chona hmachhawn turin ka inpeih e," tiin a sawi ve bawk.

Thaibawih hi June ni 5 aṭang hian shooting ṭan tum niin, Mamit District khawthlang lam, Kawrthah khuaah shooting hi ṭan tum a ni. He film-ah hian Francis leh Ruthy te bakah, lemchan lama tawnhriat ngah tak tak an inlan nual dawn a, a hmuhnawm loh ring suh.

He film director leh thawnthu ziaktu, script writer ni bawk Mike-a chuan, "He Story hi a sensitive em em a, mi pawisawi theihna tur leh mi rilru tihnat theihna tur a tam avangin a hlauhthawnawm pawh kan ti hle. Mi pawi sawi leh, tu te emaw va beih tumna emaw lam a ni lo a, kan society, kan khawtlang siamṭhat ngai nia kan hriat kan ziak lut mai a ni," tiin, ṭum dang zawng aia an in buatsaih nasat thu a sawi tel bawk.

Mizo zinga Indian Sign Language Interpreter hmasa ber, Rody Lalthanzuali'n tha rawn thawh ve dawn bawk. Ṭawngtheilo lema chang tur chu kut zaizir hmanga ṭawng, Sign Language zirtirin a hrual mek bawk a ni. He film-ah hian Mizorama kan designer ṭha rual heng : Aries Boutique, Julies Maniera leh Jbo Simiex, Traditional Twist (TT Arts) te nen an thawkho dawn a, Lersia Play (lailen) chuan an Co-Produced sak dawn a ni.