Captain Marvel 2 director tur Nia DaCosta?

Khawthlang lam media ṭhenkhat chuan Captain Marvel 2 direc­tor atan Nia DaCosta chu  pawm fel a ni tawh niin an tarlang a, Captain Marvel director hmasa Anna Boden leh Ryan Fleck-te chu a thlak dawn a nih hmel.

Nia DaCosta hian film eng emaw zat a direct tawh a, chung zingah chuan Little Woods pawh kha a tel. October thla hian a film direct tho Candyman chu tlangzarh tum a ni bawk. Captain Marvel 2 direct turin DaCosta rawih a ni tih hi Deadline chuan an tarlang hmasa ber a, Variety pawhin tarlang chhunzawm ve leh bawk mah se an ni lam hi chuan midang biak pawh an awm niin an sawi ve thung.

Captain Marvel 2 hi ruahmanna an siam dan chuan July 8, 2022-a tlangzarh an tum a, kumin kum tawp lamah hian  Black Widow chuan Marvel Phase 4 a rawn pet hawng dawn a, nakkum lamah hian MCU film The Eternals , Shang-Chi and the Legend of the Ten Rings leh Spider-Man: Far From Home sequel-te chu tlangzarh tum a ni bawk. Captain Marvel 2 tihchhuah kumah hian Thor: Love and Thunder, Doctor Strange in the Multiverse of Madness leh Black Panther II-te chu tlang­zarh tum a ni bawk a, mahse tun ang reng hian hripui a leng a nih chuan an ruahmanna  hi an thlak leh mai thei a ni.