Nina Simone lema chan vangin Zoe Saldana-in ngaihdam a dil
American actress, Marvel star Zoe Saldana chuan American hranghlui zaithiam Nina Simone biopic a chan chungchang an sawisel vangin instagram kaltlangin ngaihdam a dil.
Nina Simone biopic film hi kum 2016 khan siam a ni a, a biopic hming atan hian Nina tih a ni. He biopic film-ah hian Simone lemah Saldana hi a chang a, fan-te chuan Saldana hi an sawisel zui a ni. August 3 khan Steven Canal chuan Instagram live interview a neih puia, he hunah hian Canal chuan Simone lema changtura thutlukna a siam theih chhan a zawt a, Zoe chuan black a nih vangin film chang tura a tlin thua chhangin, kha film-ah khan a theihtawp a chhuah thu a sawiin, sawiseltu Nina Somone fan-te chu ngaihdam a dil zui bawk.
Saldana chuan a film chana hnar lem a vuah thute, a vun rawngte pawh make up hmanga Simone ang deuh tura lantir a nih thu a sawi bawk. Mahse nasa taka sawisel a nih avangin avangin Saldana chuan kum 10 kal ta khan film kha lo chang lo zawk se a ṭha zawk tur, tia sawiin, midang ṭha zawkin chang se a duh thu a sawi chhuak. Rotten Tomatoes-ah Nina film hi 2% rating chauh a ni. Simone chu miropui a nih thu leh zaithiam em em a nih thu Saldana chuan sawiin, Simone chuan a ṭha ber a phu a ni tiin a sawi bawk. Simone hi kum 70 mi niin kum 2003 khan a thi.