Kissing scene vangin Bollywood Film-a chang tura sawmna ka hnar fo - Sonam Bajwa

Punjabi actress leh model, Sonam Bajwa chuan a film thar 'Carry On Jatta 3' buaipuia hun a hman mek karah, film shooting laia kissing scene vangin Bollywood-a chang tura sawmna ṭhahnem tak a hnar thu Film Corporation-in an kawmnaah a sawi.

Punjabi star chuan Punjab mipuiten an hmuh dan tur uluk taka a ngaihtuah hnuah, Hindi film-a kissing scene awmna reng rengah inlan lo tur hian duhthlanna a siam phah tih a sawichhuak a ni.

"Bollywood-ah hian thil tam tak ka hnar a, ka chetdan avang hian Punjab mipuite an lungawi angem?," tia zawhna a inzawh fo ṭhin thu leh, an khaw mipuite hmel tihliautu nih a tum loh thu a sawi zui bawk.

Hetih lai hian, inngaihtuah chiang hmasa phawt loa project ṭhenkhat a lo hnar hma lutuk ṭhinte pawh a inchhir thu a sawi tel bawk. "A hnua ka sawichhuah leh chuan ka nu leh pate chuan film a nih chan a pawi hleinem an ti a. Thutlukna ka siam hma khan ka nu leh pate ka lo rawn hmasa lo a ni, tih chang pawh ka ngah a ni," a ti.

Sonam Bajwa hi Gippy Grewal, Bollywood pa chal Aamir Khan leh comedian-actor Kpail Sharma-te nen "Carry On Jatta 3" film-ah an inlan dawn . Punjabi film industry-ah chuan Bajwa hi a mikhual tawh lo hle a, Honsla Rakh, Kappal, Jind Mahi, leh Jinde Meriye-ah te pawh a lo inlan tawh a ni.