Pitbull, Ricky Martin leh Enrique Iglesias ten joint tour nei dawn

Latin music star - Enrique Iglesias, Ricky Martin leh Pitbull-te chuan North America-ah joint 'Trilogy' tour an nei dawn.

Joint Trilogy tour hi October 14-ah Washington DC-a Capital One Arena-ah an ṭan dawn a, show ṭum 28 neiin khawpui lian hrang hrang - New York, Miamai, Houston leh Las Vegas-ahte an inlan dawn a ni. December 15-ah Vancouver, BC-a Rogers Arena-ah an khar ang.

Pitbull chuan an tour neih tur hi a phur tawh thu sawiin, "Music icon pahnih - Enrique leh Ricky-te nena tour kan neiho thei tur hi kan tan chuan a lawmawmin chawimawina a ni," tiin, an fan-te tana hriatreng tlak hun siamsak tura Trilogy tour neh an nghahhlelh tawh thu a sawi.

Iglesias pawhin Trilogy tour hi an fan-te tana tawnhriat ropui tak a ni dawn a, damchhunga thil thleng vawi khat a ni dawn a ni tiin, tour an neih tur chu a tir aṭanga tawp thlengin party nuam tak a ni dawn a ni, a ti.

Kum 2017 khan Iglesias leh Pitbull-te hian CNCO nen tour an lo neiho tawh a, hemi ṭu hian USD mtd 38 vel hmuchhuakin, ticket nuai 4.15 zet an hralh a ni. Kum 2021 khan Iglesias leh Ricky Martin bakah, tour opener Sebastion Yatra-te chu an lo thawkho tawh bawk a, USD mtd 35.2 chuang an hmu chhuak a, ticket pawh nuai 3.12 zet an hralh leh bawk.