The Expendables 4-ah Arnold Schwarzenegger kan hmu dawn ta lo

Thumal pali 'Hasta la vista baby' hmanga khawvel dengchhuaktu, lemchanthiam hmingthang Arnold Schwarzenegger chuan "The Expendables 4"-ah inlan a tum tawh loh thu a sawi chiang.

Kum 75 mi lai ni tawh, Schwarzenegger chuan franchise film hmasa berah Trench Mauser lem rawn changin, film thara chang tawh lo tura a thutlukna hi Sylvester Stallone pawhin a zahsak thu a tarlang.

Kum 2010-a tihchhuah "Expendables" film-ah khan Schwarzenegger hi a lo inlan tawh a, hei pawh hi Stallone vang liau liaua chang a nih thu a sawi tel bawk.

August 2021 khan 'Expendables' chhunzawmna hi siam tum a nih thu nemngheh a ni a, Stallone, Jason Statham, Dolph Lundgren, and Randy Couture-te chuan film hmasa pathuma an role ngai kha an chelh leh dawn a ni. Stallone chuan he film hi direct nghal bawkin, anni pathum tarlan tak bakah hian lemchan huanga mi bik heng - Megan Fox, 50 Cent, leh Tony Jaa-te pawh an inlan thar dawn a ni.