Arini hla thar zaninah

Praise On 2016 winner, Durtlang nula R. Lalrinmawii (Arini) chuan zanin hian Zonet leh MDM YouTube channel-ah music video thar ,"Isu, ka hmangaih che" tih hla a tichhuak leh dawn ta!

Arini hi tunlai gospel singer zingah a ṭha ber pawl a ni tih kan hre vek awm e. A zai thiam zia inhrilhnawn kan ngai tawh lo a, Ṭhazual Award hial pawh lo dawng tawh hian a thiam ngai a la thiam reng tih finfiah turin a hla thar hi ngaihthlak loh phal chi a ni lo.

"Isu, ka hmangaih che" hi David Lalliansanga leh Lalhmachhuana te phuah niin, video hi Moonshine studio kutchhuak a ni. Recording hi Kings & Prophets-ah neih a ni. Mizorama musician hming langsar rual ṭhah - Ephraim (Guitar), Muanpuia (Keys), Bruce Pachuau (Bass) leh Mikeji (Drums) ten an puih bawk avangin music class a sang dawn tih a chiang.