Guns N' Roses US tour-a special guest turte an hraw

Guns N' Roses 2023 global tour, North American leg-a special guest turte puan an ni a, an hraw hlawm hle.

Axl Rose-a band tour neiha special guest turte hi music khawvela hming langsar, Carrie Underwood, The Pretenders, Alice in Chains, The Warning leh Dirty Honey te an ni.

American rock band, GN'R hian an world tour hnuhnung ber tur hi June 5 hian Tel Aviv, Israel-a Park Hayarkon-ah an ṭan dawn a, July 22 thleng Europe-ah an nei ang. Europe tour hi Athens, Greece-ah khar dawn a ni. August 5 aṭangin North America lamah tour hi an ṭan leh ang a, October 16-ah Vancouver, BC-ah an tawp ang. Hei hi kum 2021-a We’re F’N Back! Tour an neih hnuah North America lama an inlan lehna hmasa ber tur a ni.

June 24-a Glastonbury Festival neih tur leh, June 30-a London-a Hyde Park-a British Time Festival-a inlan turin Guns N' Roses hi book fel tawh an ni bawk.