Madonna leh Sam Smith-te ‘Vulgar’ single chhuak hnai

Madonna leh Sam Smith-te chuan an thawhdunna hmasa ber, single 'Vulgar' chu June 9 hian an tichhuak dawn.

Nilaini khan Madonna chuan social media lamah thlalak , S & C tih a ziahtelna chu dahchhuakin, single thar an tihchhuah tur hi a rawn nemghet a ni. Smith pawh hian kar hmasa lam khan a twitter-ah 'Sam and Madonna' tih an sawidunna audio clip a lo dahchhuak bawk a, May 24-a Manchester-a show a neihnaah a fan-te a rawn surprise dawn tihte a lo sawi tawh a ni.

Zaithiam pahnihte hi an thawhdun ṭum khatna tur a nih laiin, Smith hian thla hmasa khan Madonna 1994 single, 'Human Nature' tih chu London tour a neihnaah a lo cover sak tawh a ni.

Hetih lai hian pop icon, Madonna hi Celebration Tour nei turin a inbuatsaih mek bawk. Tour hi July thlaah Vancouver aṭangin a ṭan dawn a, a show tinah hian special guest-ah RuPaul’s Drag Race season eight winner Bob the Drag Queen a inlan ang.