PYD-ten Bible Quiz nei dawn

Mizoram UPC kohhran ṭhalai pawl, General Pentecostal Youth Department chuan Bible Quiz inelna an nei dawn a, June 1, 2023, Ningani zan khan Mizoram UPC Conference Hall, Zonuamah Quiz hawnna hi GPYD president Upa R.Vanlalruata chuan a nei.

Quiz hawnnaah hian group draw neih nghal a ni a, GPYD hruaitu lo nih tawhte'n draw-na hi an nei a ni. Inelna hi June 6 aṭanga neih ṭan tur niin Mizoram UPC Studio, Zonuamah prelims round intihsiakna neih tur a ni. Team 25 an inel nghal dawn a, team 20 hi Aizawl District chhunga mi niin, team panga hi Aizawl pawn an ni thung.