Virat Kohli IG-a post tir man Rs vbc 3.5 - Rs vbc 5

Khawvela infiammi huhang ngah ber zinga mi, Indian cricket star Virat Kohli hian a Instagram-a company fakna a post aṭangin fee a demand sang hle.

Instagram lama follower maktaduai 251 chuang nei, Kohli hian fee la sang viau mah se, fan a ngah em avangin advertiser leh business lamin an umzui nasat ber zinga mi a ni tho.

Kohli-a IG-a an product leh service post tir turin, company-te hian fee, Rs vbc 3.5 - Rs vbc 5 inkar insen an huam a ngai dawn. Hei hian Kohli-a thawhpui hlutzia a tilang ve thung a ni. A bikin India ram chhungah huhang a ngah em avangin, company liante chuan an thil siamte chawilarna atan Kohli hi thawhpui tur a an duh ber zingah a la tel reng a ni.

Company hrang hrang - Fire-Boltt, Well Man, Himalaya, Myntra, Google Duo, Mobile Premier League, Hero MotoCop, Sun Pharma- Volini, Too Yum, Tissot, Audi India leh a dang eng emaw zat chuan Kohli hi an thawhpui mek.